Wieħed mis-sottomarini nukleari ġodda tar-Renju Unit kellu jniżzel l-ankri f’Ġibiltà wara li kien involut f’ħabta ma’ bastiment merkantili waqt li kien għaddej b’eżerċizzju ta’ taħriġ.
Jidher li s-sottomarin, HMS Ambush – tal-klassi Astute — ġarrab xi ħsarat esterni meta ħabat mal-bastiment meta kien taħt l-ilma lil hinn mill-kosta ta’ Ġibiltà.
Intant, ma jidhirx li weġġa’ xi ħadd minn fost il-membri tal-ekwipaġġ, bir-reattur nukleari tas-sottomarin jibqa’ intatt, minkejja l-ħabta.
‘Ir-reattur ma ġarrab assolutament l-ebda ħsarat u l-membri tal-ekwipaġġ jinsabu qawwijin u sħaħ,’ kien l-ewwel kumment tal-q awwiet navali Britanniċi.
