Koppja Ingliża weġġgħet gravi wara li kienu nvoluti f’inċident bil-mutur.
L-inċident seħħ il-bieraħ filgħaxija għall-ħabta tat-19:50pm fi Triq it-Trunċiera, San Pawl il-Baħar.
Mill-ewwel fuq il-post marru l-Pulizija mill-għassa tal-Qawra li mill-investigazzjonijiet tagħhom irriżulta li l-koppja tilfu l-kontroll tal-mutur tat-tip Peugeot.
Il-mutur kien qed jinstaq mir-raġel li għandu 31 sena filwaqt li l-mara ta’ 34 sena kienet passiġġiera.
Dwar dan l-inċident il-Pulizija wkoll għaddejja bl-istħarriġ.
