Disa’ persuni weġġgħu wara inċident li seħħ għall-ħabta tas-2pm bejn żewġ ‘coaches’ tat-turisti fil-by-pass tal-Mellieħa.
Minn informazzjoni li kiseb NETnews.com.mt jirriżulta li b’kollox kien hemm madwar 24 passiġġier abbord il-‘coaches’ misjuqa minn żagħżugħ ta’ 24 sena mill-Mosta u Tuneżin ta’ 35 sena residenti Birżebbuġa.
Jirriżulta li sebgħa minn dawk li weġġgħu ttieħdu l-Isptar Mater Dei u tnejn oħra ttieħdu ċ-Ċentru tas-Saħħa tal-Mosta għall-kura.
Fil-post waslu l-Pulizija li ħadu ħsieb jagħlqu t-triq għal xi ħin mit-traffiku u li għadhom qed jinvestigaw il-każ. Issejħu wkoll Ambulanzi u membri mid-Dipartiment tal-Protezzjoni Ċivili.
