Donald Trump spiċċa fil-mira ta’ filmat satiriku li tpoġġa’ fuq YouTube, bil-karattri ta’ The Simpsons jgħidu li fl-elezzjoni se jivvutaw lil Hillary Clinton.
F’dan il-filmat qasir, Trump jidher moħħu fl-apparenza tiegħu u fuq dak li jikteb fuq Twitter. Il-biljunarju Amerikan qed jiġi iffigurat bħala l-kandidat illi l-anqas biss jimpurtah mill-prijoritajiet tal-pajjiż, tant illi meta tidħol telefonata importanti mill-Emergncy Room, Donald Trump jidher jaqta’ t-telefonata biex ikompli jikteb fuq Twitter u jordna scrambled eggs fuq platt tad-deheb!
Fl-aħħar tal-filmat Homer Simpson jgħid li issa qaleb mad-Demokratiċi ta’ Clinton.
