Il-Papa Franġisku waqqaf kummissjoni speċjali biex tanalizza jekk in-nisa għandhomx, ’il quddiem, ikunu permessi li jsiru dekani fil-Knisja Kattolika.
Il-kwistjoni għandha storja twila bħala ‘kunċett inkwetanti’ għall-Knisja, meta ħafna mill-membri tagħha jopponu għall-ħatriet tan-nisa. Intant, il-kummissjoni magħmulha minn sebat irġiel u sitt nisa se jistudjaw din l-issue waqt li jevalwaw ir-rwol storiku tal-mara matul is-snin bikrija tal-Knisja.
Id-dekani huma grad anqas minn qassis fil-ġerarkija tal-kleru. F’dan il-każ, dekan jista’ jipprietka jew jippresiedi fuq ċerimonji ta’ żwieġ u funerali, iżda ma jistax jiċċelebra l-quddies.
Dawk favur li n-nisa jinħatru dekani mal-knisja qed jirreferu għar-rappreżentanza fqira tan-nisa fil-Knisja. Huma qalu wkoll li l-ħatra tan-nisa bħala dekani ‘għandha tagħtihom aktar influwenza fit-teħid tad-deċiżjonijiet’.
Sadanittant, kelliema għall-Vatikan għamluha ċara li l-Papa Franġisku mhux jikkunsidra l-possibbiltà li jaħtar lin-nisa bħala qassisin, meta, fil-preżent, il-qassisin u dekani Kattoliċi kollha huma rġiel.
