Libjan ta’ 31 sena, Ahmed Omar Amhimmid Aljuweeni, ċaħad li prova joqtol lil sieħbu fiċ-Ċentru Miftuħ ta’ Ħal Far.
Aljuweeni, li hu residenti fiċ-Ċentru, kien akkużat ukoll li kien fil-pussess ta’ arma u li weġġa’ serjament lir-raġel l-ieħor.
Il-każ seħħ ilbieraħ għall-ħabta tas-1:45pm meta il-Pulizija kienu infurmati li seħħ argument fiċ-Ċentru Miftuħ ta’ Ħal Far u li r-raġel sofra minn ġrieħi wara li kien midrub b’arma li taqta’ u bil-ponta.
Il-Libjan inżamm arrestat.
Il-Prosekuzzjoni tmexxiet mill-ispetturi Kurt Galea u Johann J Fenech.
