Internazzjonali

Evakwati l-eluf minħabba n-nirien qrib Los Angeles

18 ta' Awwissu 2016
epa05491933 A picture made available on 16 August 2016 shows a person at an area affected by the Clayton Fire, in Lower Lake, Lake County, northern California, USA, 14 August 2016. According to reports, the Clayton Fire, of a size of 4,000 acres, destroyed more than 175 buildings. A suspected serial arsonist, Damin Pashilk, 40, of Clearlake, was arrested on 15 August on multiple counts of arson in connection with the incident, media added. EPA/ADAM L. WIEDMANN HANDOUT EDITORIAL USE ONLY/NO SALES

Tal-anqas 82,000 persuna kellhom ikunu evakwati minħabba n-nirine kbar li hemm f’San Bernardino barra Los Angeles u li diġà qerdu xi djar tan-nies.
Uffiċjali qalu li f’xi postijiet in-nirien huma għolja mat-30 metru u waslu biex tingħalaq l-Interstate 15, ir-rotta ewlenija bejn Los Angeles u Las Vegas.
Min-naħa l-oħra kienet irtirata l-ordni ta’ evakwazzjoni f’Northern California fl-inħawi ta’ Clearlake fejn 44,000 persuna kellhom jitilqu minn djarhom minħabba l-periklu tan-nirien wara li dawn qerdu 175 residenza u bini ieħor.
Sadattant l-awtoritajiet arrestaw lil Damin Anthony Pashilk ta’ 40 sena fuq is-suspett li kien beda nar fi tmiem il-ġimgħa fiz-zona ta’ Clayton li mbagħad infirex b’rata allarmanti. Uffiċjali qalu li hu suspettat li kien wara nirien oħra tul din l-aħħar sena fl-inħawi ta’ Lake County.