Raġel ta’ 46 sena ttieħed l-Isptar Mater Dei għall-kura wara li weġġa’ waqt li pprova jitfi nirien li ħakmu garaxx fi Triq Santa Duminka f’Ħaż-Żabbar.
L-inċident seħħ għall-ħabta tal-5.15pm meta, għal xi raġun, karozza qabdet fil-garaxx.
Ir-raġel ipprova jitfi n-nirien qabel waslu l-membri mid-Dipartiment tal-Protezzjoni Ċivili bil-konsegwenza li sofra xi ġrieħi.
Għaldaqstant, fil-post issejħet ukoll Ambulanza, li ħadet lir-raġel lejn l-Isptar għall-kura.
