L-awtoritajiet tar-reġjuni fiċ-ċentru tal-Italja ma rrappurtaw l-ebda theżżiż sekondarji ġodda matul il-lejl tal-Ħamis u l-Ġimgħa. Dan meta l-attenzjoni, issa, qed tikkonċentra fuq proġetti għall-bini mill-ġdid tal-inħawi straxxnati mit-terremot qattiel tal-24 ta’ Awwissu li rreġistra 6.2 fuq l-Iskala Richter.
Il-fatt li ma laqtux l-aftershocks hu l-ewwel każ fejn iz-zoni ma triegħdux bħala parti minn proċess naturali konsistenti, mindu, il-ġimgħa l-oħra, seħħ it-terremot kbir li qered numru ta’ bliet u villaġġi qalb il-muntanji, b’mod partikulari l-belt ta’ Amatrice.
Kienu rreġistrati almenu 3,900 theżżiża sekondarja mill-24 ta’ Awwissu ’l hawn, bl-awtoritajiet jikkonfermaw li mietu, almenu, 293 persuna fl-inħawi li ġarrbu l-akbar impatt tat-terremot.
