Tifel ta’ sentejn sofra feriti gravi wara li ntlaqat minn vettura li kienet qed tinstaq b’lura.
Il-każ seħħ ilbieraħ għall-ħabta tal-4.45pm fi Triq Louis Schikluna fil-Fgura meta l-vettura tat-tip BMW kienet qed tinstaq b’lura mix-xuffier, ta’ 25 sena.
Kien f’dan il-mument li, għal xi raġuni, it-tifel intlaqat mill-vettura.
Fil-post issejħet Ambulanza, li ħadet lit-tifel l-Isptar Mater Dei għall-kura. Hemm, hu kien iċċertifikat li qed isofri minn feriti gravi.
Il-Pulizija mid-Distrett tal-Fgura qed jinvestigaw il-każ.
