Ftit jiem biss qabel se jasal it-tanker tal-gass
Hekk kif it-tanker tal-gass tal-Power Station ta’ Muscat jinsab fi triqtu lejn Malta, dalgħodu, Kevin Barun irriżenja minn Sindku Laburista ta’ Birżebbuga.
Ir-riżenja kienet waħda mhux mistennija hekk kif sal-aħħar jiem, is-Sindku Laburista kien qed jiddefendi dan it-tanker kbir daqs tliet grawnds tal-futbol f’nofs il-bajja li hi tant għal qalb ir-residenti ta’ Birżebbuga.
Ir-raġuni uffiċjali li ta s-Sindku hi dik ta’ pressjoni ta’ xogħol, għalkemm hu ċar li l-veru raġuni wara din ir-riżenja hi l-pressjoni li qed ikun hemm mir-residenti ta’ Birżebbuġa biex it-tanker ma jitpoġġiex ftit metri biss ‘il bogħod minn djarhom.
Ir-riżenja tħabbret permezz ta’ telefonata li Kevin Barun għamel lill-kunsilliera kollha dalgħodu.
