Sewwieq ta’ mutur weġġa’ wara li ntlaqat minn knatan li waqgħu minn fuq trakk, li nfetħitlu l-bieba.
L-inċident seħħ għall-ħabta tas-1.30pm fi Triq Ħal Far meta t-trakk, li kien ħiereġ minn Birżebbuġa nfetħitlu l-bieba ta’ wara, fejn kellu ammont sostanzjali ta’ knatan.
Kawża ta’ dan, sid il-mutur, li kien sejjer fid-direzzjoni lejn Birżebbuġa, tilef il-kontroll wara li ħabat mal-knatan li waqgħu.
Is-sewwieq ittieħed l-Isptar għall-kura permezz ta’ Ambulanza. Madankollu, il-kundizzjoni ta’ saħħtu s’issa għadha mhux magħrufa.
Fl-inċident kien involut ukoll vann tat-tip Citroen, li spiċċa għadda minn fuq il-knatan u b’hekk saritlu wkoll ħsara konsiderevoli.
Fortunatament, is-sewwieq tal-vann ma ġarrab l-ebda feriti, bit-triq kellha tingħalaq għat-traffiku.
Fl-istess triq, ilbieraħ seħħ inċident ieħor tat-traffiku li fih kien involut ukoll mutur, bis-sewwieq f’dan il-każ s’issa għadu fil-periklu li jitlef ħajtu.
Aktar dettalji kif jaslulna …
