L-awtoritajiet fi Florida wissew li l-effetti tal-Uragan Matthew għall-Istat ta’ Florida u South Carolina jistgħu jkunu katastrofiċi, u ħarġu direttivi għall-evakwazzjoni ta’ residenti mill-artijiet tal-kosta.
L-Urugan Matthew, li qed jiġġenera rwiefen ta’ aktar minn 200 kilometru fis-siegħa, kien mistenni jżid fis-saħħa hu u javvanza lejn Florida.
Il-maltemp kien mistenni jolqot lill-Istat Amerikan fuq livell ‘ta’ Kategorija Erba’ u meta, fl-aħħar sigħat, għadda tul ir-reġjun tal-Karibew, bl-agħar ħerba tirriżulta fil-Haiti, fejn mietu ‘il fuq minn għoxrin persuna, b’eluf jispiċċaw refuġjati. B’konsegwenza tal-maltemp, l-elezzjoni għall-Presidenza tal-Haiti kellha tkun posposta, bl-elementi anki jiswew il-ħajja ta’, almenu, erba’ persuni fir-Repubblika Dominikana.
Il-Gvernatur ta’ Florida wissa biex ‘kull resident fl-Istat iħejji għall-impatt dirett tal-urugan’ . Hu ħeġġeġ ukoll biex kulħadd jibqa’ ippreparat u fuq allert meta sitwazzjoni bħal din ‘tiftaħ għal katastrofi’.
Maż-żewġ miljuni kienu mħeġġa li jevakwaw tul iz-zoni tal-kosta ta’ Florida, Georgia u South Carolina. L-Istat ta’ North Carolina ukoll jista’ jispiċċa affettwat, ‘il quddiem, waqt li l-maltemp ta’ ‘Andrew’ javvanza lejn it-Tramuntana tal-Istati Uniti.
