Steven Woolfe, Membru Parlamentari Ewropew tal-UKIP, il-partit Ingliż li kien l-ixprun wara l-Brexit, jinsab f’kundizzjoni gravi l-isptar. Dan wara li li nqala’ xi ġlied bejnu u Membri Parlamentari oħra tal-UKIP fil-Parlament ta’ Strasburgu.
Woolfe kien meqjus bħala favorit biex jilħaq kap tal-partit wara li nhar l-Erbgħa rriżenjat ħesrem mill-kariga Diane James. Dan wara li kienet ilha biss 18-il ġurnata fil-kariga. Hi kienet eletta fil-kariga wara li rriżenja mit-tmexxija tal-UKIP Nigel Farage li issa reġa’ spiċċa temporanjament kap tal-UKIP.
