Il-Partit għall-Ġustizzja u Żvilupp, l-entità politika Iżlamika fil-Gvern, rebaħ l-elezzjoni għall-Parlament, bil-kelliema jgħidu li t-tieni mandat ta’ poter għandu jippermetti biex il-partit iwettaq numru ta’ riformi ekonomiċi u soċjali fil-Marokk.
Din kienet it-tieni elezzjoni fil-Marokk mindu l-pajjiż addotta r-riformi kostituzzjonali fl-2011. Meta laħqu għaddew ‘il fuq minn 90 fil-mija tal-vot, il-Partit għall-Ġustizzja u Żvilupp kien aċċerta minn 99 siġġu u vantaġġ ċar fuq il-Partit għall-Moderniżmu u l-Awtentiċità (ir-rivali ewlieni tiegħu) li rebaħ 80 siġġu.
Fit-tielet post spiċċa l-Partit Istiqlal konservattiv, b’31 siġġu, waqt li partiti oħra se jkunu rrappreżentati fil-Parlament permezz tat-305 siġġijiet ikkuntestati li kien fadal. Il-Parlament jinkludi wkoll kandidati nisa u kandidati li ntgħażlu mil-listi tal-partiti bis-sistema proporzjonali.
