F’Haiti ngħata bidu għal tlett ijiem ta’ luttu nazzjonali wara d-diżastru kbir li ħalla l-Uragan Matthew fejn 90 fil-mija tan-nofsinhar tal-pajjiż hu meqjus li nqered fil-maltemp.
Maltemp li hu stmat ħalla tal-anqas 900 persuna mejta, dan apparti eluf kbar ta’ djar inqerdu u madwar 350,000 persuna fi bżonn ta’ għajnuna immedjata.
Il-maltemp issa wasal fl-Istati Uniti iżda hawn batta fil-qilla tiegħu imma xorta kkawża l-mewt ta’ għaxar persuni. Fl-Istati Uniti, il-maltemp kkawża wkoll għargħar kbar u ħsara fil-bini fi Florida, Georgia u North u South Carolina.
