David Cameron kien klassifikat bħala ‘t-tielet l-agħar Prim Ministru tar-Renju Unit’ f’lista tal-Prim Ministri tar-Renju Unit minn wara t-Tieni Gwerra ‘il hawn. Dan qed jitqies bħala ‘ċertifikat ħażin ieħor’ għal Cameron dovut għar-referendum storiku ta’ Ġunju fejn ir-Renju Unit għażel li jinqata’ mill-Unjoni Ewropea.
Fil-fatt, l-esperti politiċi evalwaw lil Cameron bħala ‘wieħed mill-aktar Prim Ministri diżastrużi’ fl-istorja moderna wara li l-Gvern tiegħu kkrolla b’riżultat tal-Brexit.
Għalkemm Cameron spiċċa t-tielet mill-aħħar fil-klassifika tal-Mexxejja ‘post-war’, il-falliment kbir tiegħu kien klassifikat biss fuq it-tieni mandat tiegħu bħala Prim Ministru.
David Cameron, fil-fatt, kiseb riżultat agħar minn tal-eks Prim Ministru Laburista, Gordon Brown, li kien suġġett għall-kritika qalila tal-istess Cameron meta tal-aħħar kien għadu Kap tal-Oppożizzjoni. Dan skont l-istħarriġ mill-akkademiċi li jispeċjalizzaw fil-politika u l-istorja kontemporanja tar-Renju Unit.
Kważi disa’ minn kull għaxar akkademiċi qablu li r-referendum dwar l-UE kien l-akbar falliment ta’ Cameron. Kienu biss l-eks Prim Ministru, Sir Anthony Eden, li aġixxa b’manjiera diżastruża fil-kriżi tas-Suez u Sir Alec Douglas-Home, li dam sena biss bħala Prim Ministru, li marru agħar minn Cameron fir-rankings tat-13 il-Prim Ministri tar-Renju Unit li servew fil-kariga mill-1945 ‘il hawn.
1. Clement Attlee, Labour 1945-51
2. Margaret Thatcher, Conservative 1979-90
3. Tony Blair, Labour 1997-2007
4. Harold Macmillan, Conservative 1957-63
5. Harold Wilson, Labour 1964-70 and 74-76
6. John Major, Conservative 1990-97
7. Winston Churchill, Conservative 1951-55
8. James Callaghan, Labour 1976-79
9. Edward Heath, Conservative 1970-74
10. Gordon Brown, Labour 2007-10
11. David Cameron, Conservative 2010-16
12. Alec Douglas-Home, Conservative 1963-64
13. Anthony Eden, Conservative 1955-57
