Żagħżugħ Rumen ta’ 25 sena sofra feriti gravi wara li waqa’ minn għoli ta’ madwar sular f’sit ta’ kostruzzjoni fil-Birgu. Il-każ seħħ għall-ħabta tad-9.20am fi Triq iċ-Ċentinarju.
Fil-post issejħu l-Pulizija mill-Għassa ta’ Bormla u tim mediku mill-Isptar Mater Dei. Mal-wasla l-Isptar, iż-żagħżugħ Rumen kien iċċertifikat li qed isofri minn feriti gravi.
Bil-każ ġiet infurmata l-Maġistrat tal-għassa Caroline Farrugia Frendo, li ħatret diversi esperti biex jassistuha fl-Inkjesta. Il-Pulizija għadha qed tinvestiga l-każ.
