Kmieni dalgħodu għall-ħabta tas-sitta u kwart żagħżugħ ta’ 28 sena ħareġ mid-dar f’Ħ’Attard u f’dak il-ħin allegatament ġie aggredit minn tliet persuni.
Jirriżulta li fil-mument li ż-żagħżugħ kien se jidħol fil-karozza tiegħu, l-irġiel marru fuqu tawh daqqiet bil-ponn kif ukoll b’oġġett iebes.
Iż-żagħżugħ irnexxielu jaħrab lejn id-dar tiegħu u talab għall-assistenza tal-Pulizija. Ir-raġel ittieħed fiċ-Ċentru tas-Saħħa għall-kura medika. Il-kundizzjoni taż-żagħżugħ għadha mhux magħrufa.
L-irġiel li allegatament attakk iż-żagħżugħ ħarbu minn fuq il-post.
Bil-każ, il-Pulizija infurmat lill-Maġistrat tal-Għassa Anthony Vella li ħatar diversi esperti sabiex jassistuh fl-inkjesta li ġiet appuntata.
Ritratti : facebook
