L-entużjażmu ta’ tim żgħażugħ kontra l-esperjenza taċ-ċampjins tal-Italja.
Hekk qed tiġi deskritta l-partita tal-lejla bejn Milan u Juventus hekk kif il-kowċ tal-Bianconeri, Massimiliano Allegri, insista li l-plejers iridu jirrispettaw lill-Milanisti u jikkonċentraw hekk kif ir-Rossoneri għaddejin minn vena tajba.
Huwa saħaq li filwaqt li bl-esperjenza ta’ fost oħrajn Gigi Buffon huwa eħfef li tirbaħ, il-plejers tal-Milan qed juru kuraġġ liema bħalu.
Sadanittant il-kowċ tar-Rossoneri, Vincenzo Montella sostna li ma jridux jaljenaw rashom bil-kumplimenti li rċevew tul it-tħejjija għal din il-logħoba.
Huwa ammetta li l-partita kontra l-Genoa ta’ nhar it-Tlieta iqisha aktar importanti mill-konfront tal-lejla.
