Il-kowċ ta’ Tottenham Hotspur, Mauricio Pochettino, ħeġġeġ lill-plejers sabiex iwettqu dak li hu mistenni minnhom hekk kif illum waranofsinhar Bournemouth ser jilqgħu f’darhom lit-Tottenham.
Dan hekk kif b’rebħa kontra l-Bournemouth, l-Ispurs jistgħu għall-ewwel darba f’dan l-istaġun jitilgħu fl-ewwel pożizzjoni tal-Premier League Ingliż.
Ġaladarba jakkwistaw 3 punti, Tottenham jaqbżu lill-Arsenal u Manchester City, b’logħoba żejda.
Pochettino saħaq li l-fatt li huma l-unika tim li s’issa għadhom bla telfa fil-kampjonat wara 8 partiti jservi ta’ motivazzjoni liema bħala u l-għatx għar-rebħ wara l-istaġun li għadda huwa esaġerat.
Kollox jingħata bidu fis-1.30pm ġewwa l-‘Vitality Stadium at Dean Court’
