Dikjarat li ċertu direct orders jammontaw għal xogħol ta’ konsulenzi dwar il-kunsilli lokali.
F’ruling mogħti fil-Parlament, l-ispeaker tal-Parlament Anġlu Frarugia sostna li l-Ministru tal-Ġustizzja Owen Bonnici seta’ ta spjega aħjar dwar il-konuslenti fis-settur tal-kunsilli lokali.
L-ispeaker rrifera għar-ruling mitlub mid-Deputat Nazzjonalista David Agius dwar il-konsulenti dwar is-settur tal-kunsilli lokali fejn appella biex il-kuntratti tal-konsulenti jitpoġġew fuq il-mejda tal-kamra. Il-Ministru responabbli kien wieġeb li l-Ministeru ma kellux konsulenti għall-kunsilli lokali.
L-ispeaker kkwota dak li qal Davaid Agius fejn kien ssemma tweġibiet Parlamentari li minnhom irriżulta li l-Ministeru fil-fatt għandu konsulenti dwar il-kunsilli lokali.
Is-Sedja qalet li m’għandhiex il-kompetenza li tidħol fil-mod kif jagħmel it-tweġibiet il-ministru responsabbli iżda fil-passat ingħataw rulings dwar il-mod kif ikunu risposti l-mistoqsijiet Parlamentari.
L-ispeaker qal li hu fehem il-prekoupazzjoni tald-deputat David Agius u qal li quddiem il-fatt li ġew mogħtija direct orders dwar konsulenzi, is-Sedja tħoss li t-tweġiba tal-Ministru setgħet kienet spjegata aħjar u iktar miftuħa. Dan għaliex uħud mid-direct orders jistgħu jikkwalifikaw għal xogħol ta konsulenza.
Is-Sedja m’għandhiex il-kompetenza li tordna lill-Ministru biex jispjega aħjar, bis-Sejda tinnota li r-risposta setgħet kienet iktar feliċi.
