Il-Pulizija Spanjola fl-inħawi ta’ Barċellona arrestaw raġel wara li kienu fetħu n-nar fuq trakk mgħobbi biċ-ċilindri tal-gass, li kien għaddej fuq in-naħa l-ħażina ta’ triq prinċipali.
Il-Pulizija sparaw meta t-trakk deher javviċina l-port ta’ Barċellona, bl-awtoritajiet tal-belt jikkonfermaw li t-trakk kien misruq. Ħarġet ukoll stqarrija biex tgħid li x-xufier, li għandu nazzjonalità Żvediża, ilu żmien ibati minn problemi psikjatriċi.
Xi sorsi tal-istampa, intant, qalu li t-trakk ‘misjuq mill-Iżvediż’ ħabat ma’ diversi karozzi qabel il-pulizija fetħu n-nar fuqu. Ix-xufier injora t-twissijiet tan-nies biex jieqaf. Intant, il-Ministeru tal-Intern Spanjol għamilha ċara li dan ma kienx każ terroristiku.
