L-ASA ħabbret li bl-għan li tingħata dehra ġdida, inħadem logo ġdid li sar minn Bloom Creative li inċidentalment wieħed mill-persuni responsabbli hu eks għawwiem.
Il-bidla fil-logo jagħti l-idea li tkun aktar aġġornata maż-żmien bl-għan li aktar ma tindara, wieħed jassoċja l-logo mal-Assoċjazzjoni. Il-logo preċedenti kien speċi ta’ denfil imdawwar fi sfont blu, iżda issa l-logo għandu diversi modi li bih l-assoċjazzjoni jkollu dehra aktar professjonali, hekk kif jista’ jintuża f’kull komunikat uffiċjali, saħansitra fuq il-flokkijiet.
