Il-Kampjonat BOV tax-Xitwa se jiftaħ bil-kbir hekk kif Sliema u San Ġiljan se jiftħu l-kampjonat bil-logħba li se tintlagħab fit-30 ta’ Marzu. Id-data hi pjuttost tard għal bidu ta’ kampjonat li normalment jibda qabel, iżda minħabba x-xogħlijiet li qed isiru fil-Pixxina Nazzjonali fejn prattikament qed tingħata dehra ġdida, il-logħob kellu jersaq għal dati aktar tard.
Kawża ta’ dan kif ukoll minħabba n-nuqqas ta’ plejers fit-tim, il-kampjonat tal-ewwel diviżjoni mhux se jsir. Il-President tal-ASA Joe Caruana Curran qal li din kienet xitwa diffiċli għall-assoċjazzjoni għal fatt li SportMalta ilha għaddejja bix-xogħol għal madwar tliet xhur u għalhekk tħarbat mhux ftit il-ħidma normali ta’ diversi timijiet u sport differenti.
Caruana Curran irringrazzja lill-klabb ta’ Neptunes li fl-assenza ta’ dan in-nuqqas, għenet kif setgħet biex takkomoda ċertu taħriġ minħabba li għandhom pixxina li ssaħħan. Hu tenna li prattikament bil-ħidma li saret, hemm kollox ġdid f’ħidma li sejjaħ bħala xogħol qawwi.
Anthony Scicluna mill-BOV sostna li bħala bank għandhom fiduċja fil-ħidma tal-assoċjazzjoni fejn saħansitra fl-aħħar xhur ġie mġedded il-kuntratt mal-ASA li hu itwal mis-soltu b’għajnuna finanzjarja aħjar ukoll.
Il-Programm kollu
Il-Ħamis 30 ta’ Marzu
Sliema v San Ġiljan 18.00
Sirens v Valletta 19.45
Il-Ġimgħa 31 ta’ Marzu
Neptunes v Exiles 10.45
U17 v San Ġiljan 12.00
It-Tlieta 4 ta’ April
San Ġiljan v Valletta 18.30
Exiles v Sirens 19.45
L-Erbgħa 5 ta’ April
Sliema v Neptunes 18.30
U17 v Sirens 19.45
Is-Sibt 8 ta’ April
Valletta v Exiles 16.45
Neptunes v San Ġiljan 18.00
Sirens v Sliema 19.15
Il-Ħadd 9 ta’ April
U17 v Exiles 10.00
It-Tlieta 11 ta’ April
San Ġiljan v Exiles 18.30
Sliema v Valletta 19.45
L-Erbgħa 12 ta’ April
Neptunes v Sirens 18.30
Sliema v Valletta 19.45
It-Tlieta 18 ta’ April
Exiles v Sliema 18.30
Valletta v Neptunes 19.45
L-Erbgħa 19 ta’ April
Sirens v San Ġiljan 18.30
U17 v Neptunes 19.45
It-Tlieta 25 ta’ April
U17 v Valletta 18.30
Is-Sibt 29 ta’ April
5 v 6 15.45
3 v 4 17.00
1 v 2 18.15
