Charles Spiteri ‘Il-Kiskisell’ hu eks plejer ta’ Sliema Wanderers u Gżira United li kien magħruf l-aktar għal mod ta’ kif jien jagħti t-throw ins u għaliex kien iwassal il-ballun ‘il bogħod ħafna. Dan kien wieħed mill-plejers li rnexxilu jagħmel suċċess kemm fil-futbol kif ukoll fil-waterpolo mal-klabbs ta’ Sliema, fejn rebaħ għal diversi drabi l-Kampjonat fiż-żewġ dixxiplini. Il-ġurnalist sportiv Christian Micallef iltaqa’ ma’ Spiteri fl-istabbiliment popolari fil-Qawra, Cheeky Monkey Gastropub fejn tkelmu dwar diversi temi interessanti f’intervista għall-programm Replay Preview, li jixxandar kull nhar ta’ Ġimgħa fid-9pm fuq Net Television.
Kull nhar ta’ Ġimgħa filgħaxija, waqt il-programm Replay Preview qed ikun hemm intervisti ta’ dawn it-tip fir-rokna ‘X’Sar Minnhom?’. Aktar intervisti li saru fil-programmi preċidenti tistgħu terġgħu ssegwuhom permezz tal-paġna ta’ Replay fuq Facebook. Il-programm Replay Preview jitwassal bl-appoġġ ta’ numru ta’ sponsors li huma: Videoslots.com, Cheeky Monkey Gastropub tal-Qawra, GasanMamo Insurance, Lannutti u Jet Freight, Weetabix Protein, Malta Football Players Association, Optica u Dizz Group of Companies.
