Żewġ anzjani minn Ħal Tarxien, kellhom jiddaħlu b’urġenza l-Isptar Mater Dei wara li spiċċaw mtajra minn vettura qrib l-istess sptar.
Il-każ seħħ għall-ħabta tad-9.40am meta għal xi raġuni mhux magħrufa l-mara 67 u r-raġel 69 sena ntlaqtu minn vettura li kienet qed tinstaq, minn sewwieq ta’ 35 sena mill-Imtarfa, fid-direzzjoni tal-isptar.
Fuq il-post ssejħet minnufih għall-għajnuna ta’ tim mediku tal-ambulanzi sabiex ħadu lill-koppja l-isptar għal aktar kura. Iż-żewġ vittmi ġew ċertifikati li sofrew ġrieħi gravi.
