Aktar ħidma matul dawn l-aħħar ġranet mill-Iskwadra ta’ Kontra Droga wasslet għall-arrest ta’ tliet persuni oħra – tliet irġiel li l-eta’ tagħhom tvarja bejn it-tnejn u għoxrin sena u ħamsa u għoxrin sena.
Huma nstabu fil-pussess ta’ sustanza suspettata kokaina u ammont konsiderevoli ta’ pilloli allegatament ecstasy. L-arresti saru fi stabbiliment tad-divertiment li jinsab fir-Rabat, Malta.
Il-ġuvintur mistennija jitressqu il-Qorti fil-jiem li ġejjin, b’akkużi relatati ma’ pussess aggravat ta’ ecstasy u kokaina.
L-investigazzjonijiet tal-Pulizija għadhom għaddejin.
