SWIEQI OVERSEAS……….50
KAVALLIERI…………………10
Overseas kisbu rebħa tajba meta għelbu lil Kavallieri 50-10, b’Angles Sarres ikun il-protagonista tal-partita, b’erba tries fil-partiti. Kavallieri bdew bir-riħ favurihom u marru fuq l-attakk, b’Darren Edmunds jirnexxielu jiskorja minn 40 metru biex għamel l-iskor 3-0. Iżda Overseas dawru l-iskor bi try ta’ Rhys Barry wara attakk twil.
L-iskor kompla jikber meta kien Angel Sarres li għamel l-iskor 12-3 meta poġġa l-ballun wara l-linja, wara li rċieva mingħand Jamie Murray. Overseas ħadu l-kmand tal-logħba u komplew ikabbru d-distakk meta rebħu scrum missielet, b’Christian Briffa jħabbat il-ballun ma’ Sarres u jżid aktar punti. Eżatt qabel tmiem l-ewwel taqsima, Dalton ġie muri l-karta safra talli żamm lil Sarres, bir-referee Lionel Da Silva jitfgħu f’sin bin għal għaxar minuti.
It-tieni taqsima bdiet b’mod pożittiv għal Overseas hekk kif skorjaw żewġ tries permezz ta’ Harvey u Sarres, u b’conversion ta’ wieħed mit-tries, l-iskor sar 31-3. Sarres skorja r-raba’ try tal-partita, bil-plejer Briffa jagħmel il-conversion u jkabbar l-iskor għal 38-3.
Ftit wara, kien imiss lil Briffa li juri l-abbiltà tiegħu hekk kif għamel try wara ġirja djagonali, b’Sarres din id-darba jagħmel il-conversion u jkabbar l-iskor għal 45-3. Harvey għamel l-iskor 50-3 wara ġirja ta’ 20 metru.
Il-kowċ ta’ Kavallieri Dan Moore li kien ħa post l-imweġġa’ Edmunds, wera l-ħiliet tiegħu meta għamel try b’Nick Horne jagħmel il-conversion għal skor finali b’distakk ta’ 40 punt.
Referee: Lionel da Silva
