Filmati u ritratti jikkonfermaw li din il-formazzjoni fil-ġebla kienet hemm qabel ma ġġarfet it-Tieqa
Minkejja li ħafna bdew jgħidu li issa d-Dwejra għandha “wiċċ ġdid”, dan il-famuż wiċċ minn dejjem kien hemm! Iżda minħabba l-istess struttura naturali, ma kienx jidher.
Sigħat biss wara li t-Tieqa tad-Dwejra ġġarfet minħabba proċess naturali li kienu ilu għaddej snin, l-attenzjoni ta’ ħafna daret għal fuq formazzjoni fil-ġebla li hemm fil-pont ta’ dan l-irdum. Kuntrarju għal dak li ġie rappurtat, dan il-wiċċ ma ġiex ikkawżat mit-tiġrif tal-istess tieqa.
Ta’ min jinnota li fejn tidher din il-formazzjoni fil-blat jispikkaw xquq konsiderevoli, li aktarx iwasslu biex anke dan il-wiċċ issa jintilef ukoll.
