Anzjan ta’ 84 sena qed isofri ġrieħi gravi wara li ttajjar minn karozza fi Triq il-Gżira, fil-Gżira.
Jirriżulta li l-anzjan, mill-Gżira stess, ntlaqat minn karozza tat-tip Citroen li kienet qiegħda tinstaq minn raġel ta’ 52 sena wkoll residenti l-Gżira.
Fuq il-post issejħet ambulanza li ħadet lir-raġel l-Isptar Mater Dei sabiex jingħata l-kura meħtieġa.
Aktar tard huwa ġie ċċertifikat li qiegħed isofri minn ġrieħi ta’ natura gravi.
L-investigazzjonijiet tal-Pulizija għadhom għaddejjin.
