It-18 ta’ Marzu, 1992 hi ġurnata li tibqa’ mfakkra bħala waħda traġika li bosta mhu se jinsew qatt – l-isplużjoni f’Raħal Ġdid li kienet ħasdet il-ħajja ta’ Yvette Bonnici u binha Shaun li kellu biss sena u 7 xhur.
Din il-ġrajja toħodna lura 25 sena, u llejla fil-programm NET LIVE Robert Cremona u Lisa Spiteri se jfakkru dan l-anniversarju ikrah fl-istorja, fejn fl-istudio se jkun hemm mistiedna ġurnalisti li kienu minn tal-ewwel li waslu fil-post dakinhar li ġġarraf il-bini b’din l-isplużjoni.
L-ispluzjoni ma kinitx ikkawżata minn bomba. Mill-investigazzjonijiet kien irriżulta li kien hemm attentat biex jinħaraq il-ħanur Oxford Photo Studio sabiex is-sidien jiehdu flus mill-insurance. Pjan li l-Pulizija iddeskrivewh bħala infami fejn erba persuni kienu xerrdu petrol ma kullimkien, u taw in-nar.
NET LIVE jixxandar illejla wara l-aħbarijiet tas-6pm.
