Iż-żewġ anzjani li mietu huma mir-Renju Unit
L-inċident seħħ fi Triq ir-Rabat f’Għawdex, it-triq magħrufa Ta’ Xħajma u li twaslek san-Nadur.
Iż-żewġ karozzi nvoluti fl-inċident tat-traffiku issa ttieħdu fil-garaxx tal-Pulizija ġewwa r-Rabat.
Il-ħabta kienet waħda head-on bejn Suzuki u Peugeot Partner.
Is-Suzuki kienet misjuqa minn anzjan ta’ 68 sena residenti x-Xagħra Għawdex, li miegħu kellu mara ta’ 73 sena, wkoll tgħix ix-Xagħra. Iż-żewġ anzjani huma mir-Renju Unit. Huma ġew iċċertifikati mejta fl-Isptar Ġenerali t’Għawdex.
Il-vettura l-oħra kienet misjuqa minn żagħżugħ ta’ 25 sena mill-Qala, li wkoll sofra ġrieħi gravi.
Inkjesta Maġisterjali qed titmexxa mill-Maġistrat Joanne Vella Cuschieri.
TRAĠEDJA F’GĦAWDEX: Koppja anzjana tmut f’inċident tat-traffiku fin-Nadur
