Karozza tal-linja ħadet in-nar f’Birżebbuġa ftit tal-ġimgħat ilu.
Dawn il-filmati reġgħu dehru fuq il-media soċjali fejn juru mill-viċin l-inċident ta’ tal-linja tieħu n-nar.
Fi stqarrija, il-kumpanija Malta Public Transport qalet li ħadd ma weġġa’ fl-inċident u x-xufier tal-karozza tal-linja ħa passi immedjati biex jeskorta lill-passiġġieri f’post sigur.
Dakinhar tal-inċident, Malta Public Transport qalet li qed tikkopera mal-Pulizija u li se tkun qed tappunta investigatur indipendenti biex jiddetermina x’wassal għan-nar li qered il-karozza tal-linja.
