Lewis Hamilton se jibda l-ewwel Grand Prix tal-Awstralja mill-pole position wara li għeleb l-isfida ta’ Sebastian Vettel fil-provi uffiċjali li saru f’Melbourne lbieraħ. Dan ir-riżultat kien wieħed ottimist għal Ferrari hekk kif Vettel spiċċa biss anqas minn 0.3 ta’ sekonda wara l-Brittaniku.
“Se tkun tiġrija missielta,” ammetta Hamilton. L-aħħar darba li Vettel u Hamilton bdew tiġrija ħdejn xulxin fl-ewwel filliera kienet fit-tiġrija tal-Bahrain fl-2015. “It-tim qed jissaħħaħ u n-nies jinsabu preparati. Qed nitjiebu,” qal Vettel.
Il-bidu fl-ewwel filliera ta’ Vettel se jkun l-ewwel wieħed mill-Grand Prix ta’ Singapore fl-2015, filwaqt li l-pole ta’ Hamilton kienet it-62 waħda tal-karriera u s-sitt waħda f’Albert Park. Sieħeb Hamilton, Valtteri Bottas spiċċa fit-tielet post, veru ftit wara Vettel, bis-sewwieq l-ieħor tal-Ferrari Kimi Raikkonen itemm fir-raba’ post.
Kwalifiki negattivi għal Red Bull hekk kif l-Awstraljan Daniel Ricciardo tilef il-kontroll fit-tielet fażi tal-kwalifikazzjoni, u se jibda barra l-ewwel għaxra hekk kif mistenni se jkollu jibda l-gearbox minħabba l-ħabta. Max Verstappen temm fil-ħames post, b’distakk mill-ewwel erba’ sewwieqa.
Romain Grosjean ta’ Haas b’sorpriża kiseb is-sitt post, filwaqt li l-veteran Felipe Massa ta’ Williams spiċċa fis-seba’ post fir-ritorn tiegħu fl-isport. Iż-żewġ sewwieqa tat-Toro Rosso Carlos Sainz u Daniil Kvyat għaqdu l-ewwel għaxra flimkien ma’ Ricciardo.
Kif se jibdew
1. Lewis Hamilton Mercedes 1:22.188
2. Sebastian Vettel Ferrari 1:22.456
3. Valtteri Bottas Mercedes 1:22.481
4. Kimi Raikkonen Ferrari 1:23.033
5. Max Verstappen Red Bull 1:23.485
6. Romain Grosjean Haas 1:24.074
7. Felipe Massa Williams 1:24.443
8. Carlos Sainz Toro Rosso 1:24.487
9. Daniil Kvyat Toro Rosso 1:24.512
10. Daniel Ricciardo Red Bull Bla ħin
It-tieni fażi
11. Sergio Perez Force India 1:25.081
12. Nico Hulkenberg Renault 1:25.091
13. Fernando Alonso McLaren 1:25.425
14. Esteban Ocon Force India 1:25.568
15. Marcus Ericsson Sauber 1:26.465
L-ewwel fażi
16. Antonio Giovinazzi Sauber 1:26.419
17. Kevin Magnussen Haas 1:26.847
18. Stoffel Vandoorne McLaren 1:26.858
19. Lance Stroll Williams 1:27.143
20. Jolyon Palmer Renault 1:28.244
