Il-kantanta li se tirrapreżenta lil Malta fil-Eurovision Song Contest ta’ din is-sena, Claudia Faniello, se tkanta fil-ħames pożizzjoni tat-tieni semi finali.
Illum ġew ippublikati l-listi tal-mod kif se jkantaw il-kanzunetti fil-Eurovision Song Contest, li din is-sena se ssir fi Kjiv fl-Ukrajna. Il-kanzunetta Maltija ‘Breathlessly’ se tikkompeti fit-tieni semi finali li se ssir nhar il-Ħamis 11 ta’ Mejju.
Fl-ewwel semi finali se jikkompetu 18-il pajjiż, filwaqt li flimkien ma’ Malta fit-tieni semi finali se hemm 19-il pajjiż. Minn dawn iż-żewġ gruppi jridu jintagħżlu 10 u wara jgħaddu għas-serata finali nhar is-Sibt 13 ta’ Mejju, li jikkompetu mal-Big 5 u l-pajjiż organizzatur; l-Italja, Spanja, ir-Renju Unit, il-Ġermanja, Franza u l-Ukrajna.
Dawn huma pożizzjonijiet li fihom se jagħmlu l-wirja tagħhom il-parteċipanti:
L-ewwel semi finali:
- Svezja
- Georgia
- Awstralja
- Albanija
- Belġju
- Montenegro
- Finlandja
- Ażerbajġan
- Portugall
- Greċja
- Polonja
- Moldova
- Iżlanda
- Repubblika Ċeka
- Ċipru
- Armenja
- Slovenja
- Latvja
It-tieni semifinali:
- Serbja
- Awstrija
- Russja
- FYR Maċedonja
- Malta
- Rumanija
- Olanda
- Ungerija
- Danimarka
- Irlanda
- San Marino
- Kroazja
- Norveġja
- Svizzera
- Belarus
- Bulgarija
- Litwanja
- Estonja
- Israel
Ara l-filmat tal-kanzunetta ‘Breathlessly’ ta’ Claudia Faniello hawn:
