Lokali

Prostituti sfruttati fil-Marsa; mgħassa kontinwament minn min iħaddimhom

Prostituta titlajja' fit-triq, mgħassa minn min iħaddimha
Il-Prostituti qed ikunu sfruttati mill-'pimp'

Rapport wara l-ieħor dwar prostituzzjoni fil-Marsa qed iwassal għal rondi mill-Pulizija iżda kemm il-prostituti u dawk li jħaddmuhom jibqgħu jaħdmu bla problemi fil-Marsa.

Net News hu nfurmat li ta’ spiss il-Pulizija mill-għases tal-Marsa, il-Ħamrun u sezzjonijiet speċjalizzati tal-Pulizija bħal dawk ta’ kontra l-vizzji qed jirċievu rapporti dwar dan.

Ir-rapporti huma iktar u iktar serji minħabba li fl-aħħar snin fl-inħawi nfetħu stabbilimenti, b’mod speċjali fi Triq Troubridge, li qed jattiraw ukoll familji bit-tfal.

Prostituta barranija tittanta lil kull min jinzerta fit-triq

Iżda minkejja li r-rapporti wasslu għal rondi mill-Pulizija, jum wara l-ieħor il-prostituti u min iħaddimhom, xi kultant anke 2 pimps f’daqqa, jibqgħu jaħdmu mingħajr problemi u saħansitra javviċinaw nies li jkunu mexjin miż-żona.

Net News saħansitra hu nfurmat li ta’ spiss min iħaddem lit-tfajliet, Malti, qed jidher jagħmel xenati f’nofs ta’ triq u saħansitra jgħajjat mat-tfajliet quddiem in-nies għax ma jkunx irnexxielhom jikkonvinċu lil dawk li jkunu mexjin fiż-żona.

Żewġ żgħażagħ Maltin li jħaddmu lill-prostituti jitlajjaw fi Triq Troubridge, waqt li l-prostituta tfittex il-klijent