Wara li din il-ġimgħa tħabbar li netnews.com.mt jinsab mal-aktar għaxar websites popolari f’Malta skont is-sit Alexa.com, f’temp ta’ sitt ġimgħat, issa tħabbru riżultati pożittivi wkoll għal Net Television.
Skont l-aktar stħarriġ riċenti tal-awtorita’ tax-Xandir Net Television kompla jżid l-udjenzi tiegħu.
Fl-aħħar sena Net Television żied l-udjenzi tiegħu b’0.6%. Minn 10.7% fi Frar 2016, Net Television żied l-udjenzi għal 11.3%. Bejn Ottubru li għadda u Frar Net Television żied l-udjenzi b’1.6%.
Radio 101 ukoll kompla jżid l-udjenzi tiegħu. Minn kważi 8% fi Frar 2016, għal 9.1 % fi Frar li għadda.
L-aktar programmi segwiti fuq Net Television huma It’s Morris, Min Imissu u Santa Monika.
Life & Style hu l-aktar magazine programme popolari fil-ħinijiet tiegħu. Kif ukoll diversi programmi oħra li żiedu fl-udjenzi tagħhom.
