Ingliża żgħażugħa nqatlet f’Ġerusalemm meta kienet qed tivvjaġġa fuq ferrovija u fejn hi spiċċat attakkata minn raġel Palestinjan armat b’sikkina.
L-omiċidju seħħ fil-Kwartier Antik ta’ Ġerusalemm proprju meta l-belt tinsab mimlija bit-turisti għall-festa tal-Għid.
L-ewwel rapporti dwar l-attakk irreferew ukoll għal żewġ midruba oħra, li jinkludu mara tqila.
L-aggressur, li għandu 57 sena, spiċċa arrestat u qed jinżamm mill-qawwiet tas-sigurtà.
