Raġel ta’ 46 sena minn San Ġwann weġġa’ gravi wara li kien involut f’inċident tat-traffiku fl-Imqabba. L-inċident seħħ kmieni dalgħodu għall-ħabta tas-12.45 a.m. fi Triq is-Sejba.
Minn stħarriġ preliminari mill-Pulizija tad-Distrett irriżulta li għal xi raġuni, ir-raġel tilef il-kontroll tal-vettura tat-tip Renault Megane u spiċċa daħal f’ħajt. Membri mid-Dipartiment tal-Protezzjoni Ċivili kif ukoll tim mediku issejjħu fuq il-post sabiex ir-raġel jinħareġ mill-vettura u jittieħed l-Isptar għall-kura meħtieġa.
Aktar tard, hu kien iċċertifikat li qed isofri minn ġrieħi ta’ natura gravi. L-istħarriġ tal-Pulizija għadu għaddej.
