Ix-xogħol se jsir bejn l-10.00PM u t-8 tat-Tlieta filgħodu.
Illejla se tibda l-ewwel fażi tal-proġett ta’ manutenzjoni tat-triq mad-dawra ta’ Buġibba u l-Qawra.
Ix-xogħol se jibda min-naħa tal-Gillieru direzzjoni lejn il-Pjazza ta’ Buġibba. Dan kollu se jsir bejn l-10.00PM u t-8 tat-Tlieta filgħodu u se jirrepeti ruħu fl-istess ħinijiet mil-lum sa nhar il-Ħamis 27 t’April. Matul dawn l-erbat iljieli, din il-parti tat-triq se tkun magħluqa għat-traffiku.
Transport Malta jħeġġeġ lis-sewwieqa sabiex isibu toroq alternattivi u jsegwu l-istruzzjonijiet tal-uffiċjali fuq il-post.
