Attakk ieħor fuq il-Qrati Maltin
“Imissek tistħi!” Kien b’dan il-kliem li ċ-Chairman tal-MCST Jeffrey Pullicino Orlando iddeskriva lill-Maġistrat Francesco Depasquale wara li lbieraħ ċaħad talba li saret mill-Prim Ministru Joseph Muscat – talba sabiex b’urġenza jinstema’ l-libell li ressaq fil-konfront tal-ġurnalista Daphne Caruana Galizia.
Il-Qorti iddeċidiet li l-libell ta’ Muscat m’għandux jinstema’ b’urġenza. U għal din id-deċiżjoni, ħareġ jikkummenta fuq Facebook Jeffrey Pullicino Orlando – dak li jiddeskrivi lilu nnifsu bħala rappreżentant tal-Prim Ministru.
Pullicino Orlando qal li Depasquale jinsab imħabbat wisq, u għalhekk imissu jistħi.
