Illejla saret is-27 edizzjoni tal-Malta Journalism Awards fil-Lukanda The Palace, tas-Sliema, organizzati mill-Istitut tal-Ġurnalisti Maltin.
Il-gazzetta il-mument rebħet il-kategorija tal-Ġurnaliżmu Stampat Aħbarijiet sponsorjata mill-Ajruport Internazzjonali ta’ Malta bi tliet sottomissjonijiet tal-ġurnalist investigattiv Joe Mikallef.
il-mument u l-ġurnal In-Nazzjon rebħu l-kategorija tal-Ġurnaliżmu Kulturali Stampat sponsorjata mill-Awtorità Maltija tat-Turiżmu bi tliet sottomissjonijiet tal-kontributur Noel D’Anastas.
In-Nazzjon rebaħ il-kategorija tal-Ġurnaliżmu Sport Stampat bi tliet sottomissjonijiet tal-ġurnalist Charles Camenzuli. Din il-kategorija hija sponsorjata mill-kumpanija Calamatta Cuschieri Financial Services Limited.
Il-kategorija Ġurnaliżmu Sport Imxandar, sponsorjata mill-Fond għall-Kawżo Ġusti ntrebħet minn NET TV b’sottomissjonijiet tal-ġurnalist Christian Micallef bil-programm Replay.
