In-Niġerja qed tiċċelebra l-ħelsien ta’ 82 tfajla tal-iskola li fl-2014 kienu nħatfu mill-militanti Iżlamiċi tal-grupp Boko Haram. Il-meħlusa kienu parti minn grupp ta’ 276 tfajla li nqabdu mill-militanti waqt rejd fuq l-inħawi ta’ Chibok, fl-Istat Niġerjan ta’ Borno.
Kelliema għall-Uffiċċju tal-Presidenza Niġerjana issa qalu li t-tfajliet inħelsu wara negozjati u bħala skambju ma’ persuni suspettati b’assoċjazzjoni mal-Boko Haram .
Dan meta d-destin tat-tfajliet, tul l-aħħar snin, qanqal l-appelli mqanqlin biex huma jinħelsu qawwijin u sħaħ;b’ħafna personalitajiet prominenti, fosthom l-eks First Lady tal-Istati Uniti, Michelle Obama, jappoġġjaw il-kampanja għall-ħniena.
Intant, jidher li għad m’hemm l-ebda ħjiel dwar x’għadda minn madwar 100 tfajla tal-istess grupp li kienu nħatfu tliet snin ilu mill-militanti fin-Niġerja.
