Kalkara St Joseph huma ċ-Champions lokali tad-darts għat-tieni sena konsekuttiva wara li spiċċaw 4-4 kontra l-isfidanti Floriana Ajax A. Kalkara ħadu l-vantaġġ permezz ta’ Martin Azzopardi, bil-Greens jirnexxielhom idawru r-riżultat b’rebħiet minn Norbert Attard u John Ciantar.
Andy Keen u Gordon Stanmore ġabu d-draw fid-doppji, iżda Floriana reġgħu marru minn fuq minn David Attard, b’Stamore jagħmel l-iskor 3-3, sakemm Vincent Busuttil poġġa lil Floriana fil-vantaġġ għat-tielet darba.
Fit-tieni u l-aħħar logħba li kienet deċiżiva, għal Floriana lagħbu Busuttil u Ciantar filwaqt li Cohen u Azzopardi lagħbu għal Kalkara. Iż-żewġ timijiet rebħu żewġ legs, biex fil-leg deċiżiva, Azzopardi rnexxielu jagħlaq, biex tefa’ lill-partitarji, plejers u diriġenti ta’ Kalkara f’dellirju ta’ ferħ.
Minn naħa ta’ isfel tal-klassifika, Gudja POs Bar A kisbu rebħa importanti wara li għelbu lil Bormla Boċċi Club f’konfront dirett, biex ikkundannaw lit-tim mill-Kottonera, biex staġun ieħor jilagħbu fit-tieni diviżjoni.
Riżultati
Championship Division: Floriana Ajax A v Kalkara St Joseph 4-4, Mosta Horseshoe Bar A v Birżebbugia Cox Sports Club A 8-0.
Relegation Division: Bormla Boċċi Club v Gudja POs Bar A 2-6, Żejtun beland Bullseye v Żejtun Juventutis Domus 8-0.
Klassifika
Championship Division: Kalkara St Joseph 51 punt (champions), Floriana Ajax A 49 punt, Mosta Horseshoe Bar A 38 punt, Birżebbugia Cox Sports Club A 14-il punt.
Relegation Division: Żejtun Beland Bullseye 27 punt, Gudja POs Bar A 24 punt, Bormla Boċċi Club 22 punt (relegati), Żejtun Juventutis Domus 2 punti (relegati)
Ħamrun Education Bar A jirbħu t-tieni diviżjoni
Ħamrun Education Bar A kkonfermaw ir-rebħ tal-kampjonat wara li rebħu 6-2 barra minn darhom kontra Buġibba Munchies Pub. Mosta Boċċi Club se jingħaqdu ma’ Birżebbugia Cox Sports Club B fit-tielet diviżjoni wara li kisbu biss punt fl-aħħar logħba tagħhom.
Riżultati
Championship Division: Senglea M. Conquest v Floriana Ajax B 4-4, Buġibba Munchies Pub v Ħamrun Education Bar A 3-5.
Relegation Division: Gudja POs Bar B v Cospicua Rangers 4-4, Birżebbugia Cox Sports Club B v Mosta Boċċi Club 4-4.
Klassifika
Championship Division: Ħamrun Education Bar A 44 punt (champions u promossi), Buġibba Munchies Pub 38 punt (promossi), Senglea M. Conquest 33 punt, Floriana Ajax B 27 punt.
Relegation Division: Cospicua Rangers 35 punt, Gudja POs Bar B 21 punt, Mosta Boċċi Club 19-il punt (relegati), Birżebbugia Cox Sports Club B 4 punti (relegati).
Magħruf it-tieni tim promoss għat-tieni diviżjoni
Ħamrun Education Bar B saru t-tieni tim promoss għat-tieni diviżjoni wara li għelbu lil Mqabba St Mary BC 6-2 fl-aħħar partita. Huma ngħaqdu ma’ Mosta Horseshoe Bar B, bit-tim Mosti jiddomina d-diviżjoni mingħajr telfa l-istaġun kollu b’16-il rebħa u żewġ draws.
Riżultati
Mġarr The Hatch Sports Bar v St. Venera Red Square 3-5, Mosta Horseshoe Bar B v Buġibba Intercontinental Sun City 6-2, Ħamrun Education Bar B v Mqabba St Mary BC 6-2.
Klassifika
Mosta Horseshoe Bar B 50 punt (champions), Ħamrun Education Bar B 39 punt (promossi), Buġibba Intercontinental Sun City 35 punt, St. Venera Red Square 27 punt, Mqabba St. Mary BC 16-il punt, St Pauls Diamonds 11-il punt, Mġarr The Hatch Sports Bar 4 punti.
