Eleanor inqatlet f’Lulju tas-sena l-oħra u kienet insabet mejta ftit tal-ħin wara f’garaxx f’Ħal Qormi.
Il-Qorti, permezz tal-Maġistrat Antonio Mizzi reġgħet ma laqgħetx it-talba mill-ħelsien mill-arrest ta’ Andrew Mangion, li qed jiġi akkużat bil-qtil tal-eks mara tiegħu Eleanor Mangion Walker.
Eleanor inqatlet f’Lulju tas-sena l-oħra u kienet insabet mejta ftit tal-ħin wara f’garaxx f’Ħal Qormi. Sa minn dakinhar, Andrew Mangion inżamm arrestat. Minbarra akkuża ta’ qtil, Mangion jinsab akkużat ukoll li ħeba l-evidenza tal-att kriminali billi ħeba l-ġisem bla ħajja ta’ Eleanor Mangion Walker fil-garaxx f’Ħal Qormi.
L-avukat tal-akkużat qed jargumenta li Mangion għandu jinħeles mill-arrest peress li għadda wisq żmien u għalhekk m’għadiex teżisti l-possibilità li Mangion ibiddel xi tip ta’ evidenza.
