Rapport: Kenneth Vella
Ilbieraħ wara nofsinhar fil-korsa tal-Marsa, waqt li saret it-22 laqgħa tal-istaġun spikkaw l-aktar żewġ tiġrijiet internazzjonali tat-trott fuq id-dahar jew montè. Dan bil-parteċipazzjoni ta’ disa’ sewwieqa minn ħames pajjiżi Ewropej, inkluż il-Maltin Michael Sultana u Omar Cauchi. Dawn it-tiġrijiet kienu fuq distanza qasira ta’ 2140m u din il-kompetizzjoni saret bl-għajnuna ta’ MCCF u fuq inizjattiva personali ta’ Shaun u Isabelle Formosa. It-tiġrijiet internazzjonali raw rebħa għar-rappreżentant minn Franza u għal jockey min-Norveġja.
Fl-ewwel tiġrija internazzjonali li fiha s-sewwieqa kellhom isuqu żwiemel mill-klassi Bronze, kien l-Għawdxi Omar Cauchi li beda l-aktar b’saħħtu permezz ta’ Athos Du Choquel. Dan fetaħ vantaġġ żgħir minn All American Class (Lina Aho – Svezja) u Unikitos Verderie (Caroline Forsner – Żvezja).
Madanakollu t-tiġrija ħadet żvolta differenti 700m mit-tmiem meta ż-żiemel ta’ Cauchi biddel il-pass u safa’ skwalifikat. B’hekk it-tiġrija nfetħet beraħ u fid-dritta finali kien il-Franċiż Florian Desmigneux li mar quddiem b’Ulysse Du Lupin li qasam il-linja finali l-ewwel minn All American Class. Unikitos Verderie (Caroline Forsner – Żvezja) u Une Belle Riviere (Solveig Davidsen – Danimarka) daħlu warajhom f’dik l-ordni.
Anki fit-tieni tiġrija internazzjonali, li fiha l-parteċipanti saqu żwiemel mill-klassijiet Premier u Gold reġa’ kellna bidu tajjeb għal Malti Michael Sultana bid-debuttant Żvediż J.C. Memory. Dan kien segwit minn Quillian Joyeux (Florian Desmigneux) u Girlicious (Lina Aho). Iżda dawra mit-tmiem, iż-żiemel ta’ Sultana beda jnaqqas mill-ġiri u aktar tard inqabeż fost l-oħrajn minn Salut Franbleau li f’idejn in-Norveġiża Amanda Robersten ħa l-ewwel rebħa staġjonali minn Remain Garbo (Solveig Davidsen).
Soto ta’ Omar Cauchi temm it-tielet minn Girlicious (Lina Aho). Fi tmiem dawn it-tiġrijiet internazzjonali, l-jockeys u s-sidien taż-żwiemel rebbieħa ġew premjati minn Edwin Borg, Chairman tal-Malta Racing Club u Aaron Ciantar f’isem l-isponsors.
Il-kumplament tat-tiġrijiet kienu fuq distanza twila ta’ 2640m u kienu riservati għal żwiemel mill-klassijiet Gold, Silver, Bronze u Copper. Fl-ewwel tiġrija tal-klassi Gold, kien hemm taqtigħa eċċitanti bejn erba’ żwiemel fid-dritta finali.
Eventwalment kien Marco Tanti li temm rebbieħ b’Staro Evergreen quddiem Toronto Doedvic (Noel Baldacchino) u Pronostic De Neige (Emmanuel Fenech). Tresor d’Anardel (Jeffrey Pace) temm warajhom f’dik l-ordni. Għal Staro Evergreen din kienet l-ewwel rebħa f’Malta.
Robis Salvation (David Ellul) irreġistra t-tieni rebħa f’pajjiżna fit-tieni tiġrija Gold. Dan kien quddiem tul id-distanza kollha u temm rebbieħ wara li fl-aħħar metri kkontrolla l-assalt tal-favorita Warica (Rodney Gatt). Ripsos De Fa (Ivan Bilocca) u Radjah De Venel (Salvu Vella) ukoll kellhom wirja tajba meta daħlu warajhom f’dik l-ordni.
Ir-riżultati kollha
I Tiġrija Klassi Copper. Dist – 2640m. 1. Simb Tyrant (F. Tanti) Ħin – 3.31.7” (1.20.2”) 2. Enjos TS (M. Cauchi) 3. Rusty Grif (S. Schembri) 4. Freddie Melon (Ch. Gauci)
II Tiġrija Klassi Bronze. Dist – 2640m. 1. Qumran De La Motte (F. Cassar) Ħin – 3.28.2” (1.18.9”) 2. Robinia As (M. Ellul) 3. Gin T. Dalimo (M. Mifsud) 4. Sound Of Silence (N. Baldacchino)
III Tiġrija Klassi Bronze. Dist – 2640m. 1. Design Ribb (P.P. Said) Ħin – 3.31.3” (1.20”) 2. U.S. Vanessa (K. Sciberras) 3. Ocean Brodde (M. Sultana) 4. Urlando City (N. Baldacchino)
IV Tiġrija Klassi Silver. Dist – 2640m. 1. One Photo (K. Debono) Ħin – 3.26.1” (1.18.1”) 2. Lajos Bellan (N. Baldacchino) 3. Carmen Sund (C. Caruana) 4. Royal Apanage (R. Magro)
V Tiġrija Montè Klassi Bronze. Dist – 2140m. 1. Ulysse Du Lupin (F. Desmigneux – Fra) Ħin – 2.46.3” (1.17.7”) 2. All American Class (L. Aho – Zve) 3. Unikitos Verderie (C. Forsner – Zve) 4. Une Belle Riviere (S. Davidsen – Dan)
VI Tiġrija Klassi Silver. Dist – 2640m. 1. Tagena Run (J. Gafa’) Ħin – 3.27.1” (1.18.4”) 2. Utello Du Maza (C. Camilleri) 3. Quartz De L’Isac (Ch. Farrugia) 4. Joe Mama (T. Tanti)
VII Tiġrija Klassi Gold. Dist – 2640m. 1. Staro Evergreen (M. Tanti) Ħin – 3.26.6” (1.18.3”) 2. Toronto Doedvic (N. Baldacchino) 3. Pronostic De Neige (E. Fenech) 4. Tresor d’Anardel (J. Pace)
VIII Tiġrija Monte’ Klassi Gold-Premier. Dist – 2140m. 1. Salut Franbleau (A. Robersten – Nor) Ħin – 2.44.9” (1.17.1”) 2. Remain Garbo (S. Davidsen – Dan) 3. Soto (O. Cauchi) 4. Girlicious (L. Aho – Zve)
IX Tiġrija Klassi Gold. Dist – 2640m. 1. Robis Salvation (D. Ellul) Ħin – 3.24” (1.17.3”) 2. Warica (R. Gatt) 3. Ripsos De Fa (I. Bilocca) 4. Radjah De Venel (S. Vella)
X Tiġrija Klassi Silver Dist – 2640m 1. Charm Blou (C. Magro) Ħin – 3.25.6″ (1.16.9″) 2. Almondo Rich (P.P. Said ) 3. Ukase Du Ravary (C. Vassallo) 4. Global Power (D. Grima )
