Minkejja li normalment isiru mistoqsijiet - Joseph Muscat jaħrab mill-ġurnalisti
Wara li żar tliet fabbriki f’Ħal Far, u għamel żewġ konferenzi tal-aħbarijiet separati bħala parti mill-kampanja elettorali ta’ din l-elezzjoni – Joseph Muscat telaq minn fuq il-post mingħajr ebda ħin għall-mistoqsijiet.
Il-ġurnalisti preżenti, fosthom ta’ NET News baqgħu bit-tama li jistaqsu mistoqsijiet lill-Prim Ministru Joseph Muscat li kien akkumpanjat minn Chris Cardona. Normalment, f’attivitajiet bħal dawn Joseph Muscat jieqaf u jwieġeb.
