Simon Busuttil qal li Gvern immexxi minnu se jagħti lura lill-Għawdxin l-Isptar Ġenerali t’Għawdex filwaqt li jrodd lura lill-pubbliku wkoll servizzi oħrajn li għaddew għand il-privat minn wara dahar kulħadd, bħad-dermatoloġija u l-prostetika. Il-Kap tal-Partit Nazzjonalista qal li dawk il-persuni li telqu l-impjieg pubbliku biex jingħaqdu ma’ VGH se jingħataw l-opportunità li jidħlu lura fis-servizz.
