Destiny tgħaddi għas-semi finali tal-kompetizzjoni Britain's Got Talent!
Destiny għal darb’oħra terġa’ żżomm il-bandiera ta’ Malta mgħollija ‘l fuq – dan wara li minn numru kbir ta’ kompetituri fil-Britain’s Got Talent, irnexxielha tgħaddi għas-semi finali.
Il-kantanta żagħżugħa Maltija ta’ 14-il sena rnexxielha timpressjona lill-ġurija – u għaddiet ma’ 39 parteċipant ieħor. Issa, l-pass li jmiss hu liftit jiem oħra, fit-30 ta’ Mejju tieħu sehem biex tipprova tikseb post għall-finali, bl-għan aħħari jkun li tirbaħ il-kompetizzjoni u tieħu sehem fir-Royal Variety Show quddiem il-familja Rjali tar-Renju Unit.
NET News jawgura xewqat mill-isbaħ lil Destiny għal dan is-suċċess!
Ara l-ewwel prova live ta’ Destiny Chukunyere meta impressjonat lill-ġurija u minn erba’ voti, ġabet l-erbgħa li huma favur tagħha.
